BELLE RIO

Lifestyle Estate

est. 2008

‘N UNIEKE EN RUSTIGE LANDGOED OP DIE WAL VAN DIE ORANJERIVIER

Belle Rio Estate, die lieflike Rivier, doen sy naam gestand waar dit oorkant Kanoneiland geleë is. Dit is ‘n luukse leefstyl oord in die Noord-Kaap, wat net so uniek is soos die geskiedenis van die eiland waarlangs dit lê. In 1928 het 52 boere ‘n suksesvolle lewe geskep in hiedie veilige idilliese omgewing.

Belle Rio is op die R359 roete sowat 23km vanaf Upington. Net ver genoeg om die rustigheid en veiligheid van die platteland te ervaar en naby genoeg om binne ‘n halfuur by hospitale, winkels, restaurante en ander diensverskaffers te wees.

INFRASTRUKTUUR

WATER- EN RIOOLSUIWERING

Belle Rio besit sy eie water- en rioolsuiweringwerke, toegerus met die nuutste tegnologie.

Rivierwater word gesuiwer vir huishoudelike gebruik, terwyl afval- en rioolwater gesuiwer en hergebruik word vir tuine en besproeiing.

Hierdie tegnologie word deur ‘n sonkragsisteem ondersteun, om die invloed van beurtkrag op hierdie prosesse, so veel as moontlik teen te werk. Alle strate is geteer en belig.Tussen die woonhuise en geboue is groot oop grasperke.

SEKURITEIT

Die Landgoed is omhein met ‘n staal- en betonheining wat ook geëlektrifiseer is.

Toegangsbeheer word streng toegepas en snags is ‘n sekuriteitswag aandiens

VERBLYF EN AFTREE ONTWIKKELING

VERBLYF EN AFTREE-ONTWIKKELING

Afgetredenes en werkende persone woon in Belle Rio.

As ‘n leefstyloord is dit belangrik om ‘n dinamiese gemeenskap te skep met verskillende ouderdom inwoners.

Die landgoed leen homself juis daartoe met verskillende keuses van erwe, huise en aftree-ontwikkeling.

Kom bou jou droomhuis of aftree-blyplek volgens jou eie planne, met min beperkings op jou inisiatiewe. Slegs ‘n paar argitektoniese reëls wat vereis dat die huis aanpas by die ander reeds geboude huise om ‘n plattelandse atmosfeer en voorkoms te komplimenteer.

MEENTHUIS ERWE – EIE TITEL

Lieflike erwe met verskillende groottes. Goed versorgde tuine wat in stand gehou word deur die oord.

Tuine loop tot teen jou stoep om jou leefarea te vergroot en jou natuurlike ruimtes ten volle te benut en geniet.

Die huise wat reeds gebou is, vertoon ‘n unieke agritektoniese Suid-Afrikaanse

plaashuis-styl wat die ontspanne landelike leefstyl verder beklemtoon.

As die tyd aanbreek dat jy na ‘n kleiner woning wil verskuif of jy versorg moet word, bied Belle Rio in samewerking met

Totalcare, jou verskillende opsies.

AFTREE-ONTWIKKELING

Hier kan jy selfstandig leef met dienste soos etes, tee en koffie geleenthede en ondersteuning met medikasie of minder ernstige mediese toestande wat jy mag benodig.

VERSWAKTE SORG SENTRUM

Gespesialiseerde versorgingsdienste is gerig op fisiese - sowel as geestelik verswakte volwassenes en sluit Alzheimer versorging in. ‘n Verdere diens wat gelewer word is dag - en vakansie versorging waar sulke dienste benodig word.

Die verswakte sorg sentrum is ‘n 24-7 Sorg-sentrum. 24-7 Sorg is ‘n gespesialiseerde diensverskaffers wat aftree-oorde in Suid-Afrika bestuur. 24-7 Sorg verskaf gesondheidsdienste en streef daarna om met toewyding, uitmuntende diens te lewer om die verwagte lewensstyl van bejaarde, asook gestremdes te oortref. Deur die samewerking van ’n professionele multi-dissiplinêre versorgingspan, word aftree-oorde en sorgsentrums bedryf en ge-administreer. Sodoende verseker hulle gemoedsrus aan naasbestaandes terwyl hul bejaarde familie die bes moontlike versorging geniet. Met passievolle dryfkrag, streef hulle daarna om met deernis en toewyding, na verswaktes om te sien. Besoek gerus die Totalcare webtuiste vir meer inligting.

AKTIWITEITE

Die oop ruimtes en uitleg van die landgoed leen hom daartoe dat inwoners ver kan stap sonder om die oord te verlaat.

Fietsry en visvang is gewild in en rondom Belle Rio. Geelvis, baber en karp kan in die Oranjerivier gevang word.

Die natuurlike omgewing, sowel as die tuine lok verskeie voëlspesies. Ander gevestigde inwoners is meerkatte, grond-eekhorings, otters , likkewane en springbokke.

SAMEVATTING

Belle Rio is die eerste Agri Leefstyl ontwikkeling in die Noord-Kaap. Die ontwikkeling word deur die inwoners bestuur as ‘n privaat maatskappy in ‘n natuurlike omgewing deur die gebied te gebruik vir behuising, landbou en bewaring.

Gastehuise en ‘n vakansie-oord is naby geleë vir kuiermense wat moontlik nie by familie in Belle Rio kan bly nie. Daar is ook ‘n padstal wat etes bedien naby, ‘n winkel op die eiland wat die nodigste bied, ‘n aktiewe kerklike gemeente, polisiestasie en die mooiste sonsondergange in die wêreld.

KONTAK ONS